ဒိန်းမတ်အသင်းကို ၁ ဂိုး-ဂိုးမရှိနဲ့ ရှုံးနိမ့်ခဲ့တဲ့ပွဲက ပေါ်တူဂီအသင်းကစားပုံဟာ သူ့လက်ထက်၂ နှစ်တာကာလ အတွင်း အဆိုးရွားဆုံး ကစားပုံဖြစ်တယ်လို့ ပေါ်တူဂီအသင်းနည်းပြ မာတီနက်ဇ်က ပြောသွားခဲ့ပါတယ်။ ဒိန်းမတ် အသင်းနဲ့ပွဲမှာ ပေါ်တူဂီအသင်းတိုက်စစ် ကစားပုံက အားနည်းချက်တွေရှိခဲ့ပြီး ဂိုးပေါက်တည့်မှု နှစ်ကြိမ်သာရှိခဲ့ တာ ဖြစ်ပါတယ်။ ကော်စတာ လက်စွမ်းပြနိုင်ခဲ့လို့သာ ပေါ်တူဂီအသင်း ဂိုးနည်းနည်းနဲ့ ရှုံးနိမ့်ခဲ့ရတာဖြစ်ပါတယ်။၊ ဒိန်းမတ်အသင်းက ဂိုးပေါက်ခြိမ်းခြောက်မှု ၂၃ ကြိမ်အထိ လုပ်နိုင်ခဲ့ပေမယ့် ပေါ်တူဂီ အသင်းကတော့ ဂိုးပေါက်ခြိမ်းခြောက်မှု ၈ ကြိမ်သာ ပြုလုပ်နိုင်ခဲ့တာပါ။
