ဟောင်ကောင် လေကြောင်းလိုင်းမှ ခရီးသည်တင် လေယာဉ် တစ်စီးဟာ တရုတ်နိုင်ငံ ဟန်ကျိုး ကနေ ဟောင်ကောင်ကို မတ်လ ၂၀ ရက် ကြာသပတေးနေ့က ပျံသန်းလာစဉ်မှာ မီးလောင်မှုကြောင့် တရုတ် နိုင်ငံ ဖူကျိုး လေဆိပ်ကို အရေးပေါ်ဆင်းသက်ခဲ့ရပါတယ်။ ခရီးသည်တွေက ပါဝါဘန့်ကြောင့် မီးလောင်တာလို့ ယူဆထားကြပါတယ်။ လေကြောင်းလိုင်း က ခရီးသည်ရဲ့ ဦးခေါင်းအထက်က ခရီးဆောင်အိတ်ထားတဲ့ အခန်းထဲမှာ မီးလောင်ခဲ့တာလို့ ပြောပါတယ်။ လေယာဉ်ပေါ်မှာ ခရီးသည် ၁၆၀ နဲ့ လေယာဉ်ဝန်ထမ်း ၈ ယောက်လိုက်ပါခဲ့ကြပြီး ထိခိုက်ဒဏ်ရာရမှု မရှိခဲ့ပါဘူး။ လေယာဉ်ဟာ ဟန်ကျိုး ကနေ မတ်လ ၂၀ ရက်နေ့ နေ့လယ် ၁၂ နာရီ ၂၀ မိနစ်မှာ ထွက်ခွာခဲ့ပြီး ဖူကျိုး ကို နေ့လယ် ၂ နာရီ ၁ မိနစ်မှာ ရောက်ရှိခဲ့တယ်လို့ သိရပါတယ်။ ဟောင်ကောင် လေကြောင်း ဌာနက စုံစမ်းစစ်ဆေးမှုတွေ ပြုလုပ်သွားမယ်လို့ ပြောပါတယ်။
