နိုင်ငံတကာကူညီမှု လျော့ပါးသွားချိန်တွင် ကုလသမဂ္ဂ ရန်ပုံငွေ မလုံလောက်သဖြင့် မြန်မာပြည်မှ အကူအညီလိုအပ်နေသူ အများအပြား အခြေအနေဆိုးနှင့် ရင်ဆိုင်နေရသည်။ မြန်မာနိုင်ငံမှ လူဦးရေတစ်သန်းအတွက် ရိက္ခာ အထောက်အပံ့များကို ရန်ပုံငွေ မလုံလောက်မှုကြောင့် ရပ်ဆိုင်းသွားမည်ဟု ကုလသမဂ္ဂ ကမ္ဘာ့စားနပ်ရိက္ခာအစီအစဉ် (WFP) က ကြေညာထားရာ ခက်ခက်ခဲခဲ ရပ်တည်နေရသည့် ၎င်းတို့၏ အခြေအနေများ ပိုမိုဆိုးရွားတော့မည်ဟု ဒုက္ခသည်များက ပြောသည်။ ရခိုင်ပြည်နယ်အတွင်းရှိ ရိုဟင်ဂျာဒုက္ခသည်များအတွက် ထောက်ပံ့မှုမှာ လာမည့်လတွင် စတင် ရပ်ဆိုင်းမည်ဟု သိရကြောင်း ဒုက္ခသည်စခန်းတွင်နေထိုင်သူများက ပြောသည်။
