❝ခရမ်းလွန်ရောင်ခြည်နှင့်ထိတွေ့ မှုကြောင့် ကျန်းမာရေးအပေါ် သက်ရောက်မှုများကို ကာကွယ်နိုင်မည့်နည်းလမ်းများအား လိုက်နာကြရန် ကျန်းမာရေးဝန်ကြီးဌာန တိုက်တွန်းနှိုးဆော်❞

မတ်လ ၁၇ရက်နေ့မှာ ခရမ်းလွန်ရောင်ခြည်အညွှန်းကိန်း မြင့်မားစွာရှိနေသည့်အချိန်များတွင် ခရမ်းလွန်ရောင်ခြည်နှင့်ထိတွေ့ မှုကြောင့် ကျန်းမာရေးအပေါ် သက်ရောက်မှုများအား ကာကွယ်နိုင်ရန်အတွက် ပြည်သူများအနေဖြင့် ကာကွယ်နိုင်မည့်နည်းလမ်းများကို လိုက်နာနိုင်ကြရန် ကျန်းမာရေးဝန်ကြီးဌာက တိုက်တွန်းနှိုးဆော်ထားသည်။ခရမ်းလွန်ရောင်ခြည်အညွှန်းကိန်း မြင့်မားစွာရှိနေသည့်အချိန်များတွင် ခရမ်းလွန်ရောင်ခြည်နှင့်ထိတွေ့ မှုကြောင့်နေလောင်ခြင်း၊ အသားအရောင်ညိုမဲလာခြင်းတို့ကိုဖြစ်စေနိုင်ပြီး ထိတွေ့မှုကာလကြာလာသောအခါ မျက်စိတိမ်စွဲခြင်း၊ အရေပြားများအရွယ်မတိုင်မီအိုမင်းရင့်ရော်ခြင်း၊ ခုခံအားကျဆင်းလာခြင်း၊ အရေပြားကင်ဆာ ဖြစ်ခြင်း စသည့်ဆိုးကျိုးများကို ဖြစ်ပေါ်စေနိုင်သည်ဟု သိရသည်။