ကျပ်သိန်း ခုနှစ်ထောင်ကျော်တန်ဖိုးရှိ စိတ်ကြွရူးသွပ်ဆေးပြားများ ကျိုင်းတုံနှင့် တာချီလိတ်မှာ သိမ်းဆည်းရမိ

ကျိုင်းတုံနှင့် တာချီလိတ်မှာ မတ်လ ၁၁ ရက်က ကျပ်သိန်း ခုနှစ်ထောင်ကျော်တန်ဖိုးရှိ စိတ်ကြွရူးသွပ်ဆေးပြားများ သိမ်းဆည်းရမိသည့် ဖြစ်ရပ်များ ဖြစ်ခဲ့ကြောင်း သတင်းထုတ်ပြန်ချက်အရ သိရသည်။စိတ်ကြွမူးယစ်ဆေးဝါးနှင့်အတူ ဖမ်းဆီးရမိသည့် ကျော်ကျော်ထက်အောင်၊ သက်ကျော်ဦး ၊ နိုင်လင်း (ခ) စိုင်းညီတို့အား မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာ ဥပဒေအရ အရေးယူထားကြောင်း သိရသည်။