နိုင်ငံတော်အစိုးရနှင့် လုံခြုံရေးတပ်ဖွဲ့များသည် ရှမ်းပြည်နယ်မြောက်ပိုင်း တန့်ယန်းမြို့နယ် နားဟုတ်ကျေးရွာအုပ်စုတွင် တရားမဝင် အွန်လိုင်းလောင်းကစားနှင့် ငွေကြေးလိမ်လည်မှုလုပ်ငန်းများကို မတ်လ ၁၂ ရက်တွင် ဖော်ထုတ်စစ်ဆေးခဲ့ရာ ပြည်ပနိုင်ငံသား ၁၆၅ ဦး၊ မြန်မာနိုင်ငံသား ၁ ဦးတို့အား ဖမ်းဆီးရမိခဲ့သည်။ လုပ်ငန်းသုံးပစ္စည်းများနှင့်အတူ သိမ်းဆည်းပြီး စနစ်တကျ စိစစ်ဆောင်ရွက်နေကြောင်း၊ နိုင်ငံခြားသားများအား သက်ဆိုင်ရာနိုင်ငံများသို့ ပြန်လွှဲမည်ဖြစ်ကြောင်း သိရသည်။
