ပဲခူးမြို့ ဗုဒ္ဓအသံဓမ္မဗိမာန်တော်ကြီး၌ သာသနာတော်ဆိုင်ရာဘွဲ့တံဆိပ်တော်များ ဆက်ကပ်လှူဒါန်းခြင်း အခမ်းအနားကျင်းပခဲ့သည်။ တိုင်းဝန်ကြီးချုပ် ဦးမျိုးဆွေဝင်းနှင့် ဇနီးတို့က ဆရာတော်များနှင့် သီလရှင်များအား နေ့ဆွမ်းဆက်ကပ်လှူဒါန်းပြီး ဘွဲ့တံဆိပ်တော်များ ချီးမြှင့်ခဲ့သည်။ ဆရာတော်များမှ သမ္မောဒနိယဩဝါဒကထာများ မြွက်ကြားခဲ့ကြပြီး၊ ငါးပါးသီလ ခံယူဆောက်တည်ကာ အနုမောဒနာတရားနာယူကြသည်။ ၂၀၂၅ ခုနှစ် သာသနာတော်ဆိုင်ရာဘွဲ့တံဆိပ်တော်ရရှိသူများအား ဆွမ်းဆန်တော်နှင့် လှူဖွယ်ဝတ္ထုပစ္စည်းများလည်း ဆက်ကပ်လှူဒါန်းခဲ့ကြသည်။
