သရက်ချောင်းတွင် ယာဉ်တိုက်မှုဖြစ်ပြီး အမျိုးသမီးနှစ်ဦးသေဆုံး

တနင်္သာရီတိုင်းဒေသကြီး၊သရက်ချောင်းမြို့နယ်၊ ပန်းပြင်ရွာ၌ ယနေ့ မတ်လ ၁၀ ရက် ညနေပိုင်းတွင် မြိတ်ဘက်မှ လာသည့် ကုန်တင်ယာဉ်နှင့် ထားဝယ်ဘက်မှ လာသည့် Toyota Townace အမျိုးအစားကားတို့ ယနေ့ ညနေ ၃ နာရီခွဲခန့်တွင် ပန်းပြင်ရွာရှိ လမ်းပိုင်းတစ်နေရာ၌ မျက်နှာချင်းဆိုင်တိုက်မိခြင်းဖြစ်ပြီး Toyota Townace ကား၏ အရှေ့ခန်း၌ လိုက်ပါလာသည့် အသက် ၃၀ နှင့် ၄၀ နှစ် ကြား အရွယ်ရှိ အမျိုးသမီးနှစ်ဦး အခင်းဖြစ်နေရာတွင် သေဆုံးကြောင်း ကူညီဆောင်ရွက်ပေးသည့် ပရဟိတအသင်းထံမှ သိရသည်။