ရှမ်းပြည်နယ်(တောင်ပိုင်း)၊ ဆီဆိုင်နှင့်ပင်လောင်းမြို့ရှိ ရပ်ကွက်ကျေးရွာများတွင် ဂျပန်နိုင်ငံ Terra People Association (TPA) မှလှူဒါန်းထားသည့် သောက်သုံးရေကိုသာအားကိုးနေရပြီး ရပ်ကွက်များတွင် ရာသီဥတုပူပြင်းခြင်း၊ ရေတင်ရန်မီးမလာခြင်းနှင့် ရေကန်များခမ်းခြောက်ခြင်းများဖြစ်ပေါ်လျက်ရှိကြောင်း သိရသည်။ထို့ပြင်ပင်လောင်းမြို့နယ် တောင်ဘက်ခြမ်းရှိ ဝါလီးကျေးရွာ၊ တောင်လေးကျေးရွာ၊ ပင်ခွန်ကျေးရွာ၊ နမ့်ဖာမူ ကျေးရွာ၊ ဆောင်းခါးကျေးရွာ၊ ဝါးပြုံးကျေးရွာ၊ ဆောင်ပြောင်းကျေးရွာ၊ ထီဗွားကျေးရွာနှင့် လိန့်ညားကျေးရွာများတွင် သောက်သုံးရေရှားပါးမှုပြဿနာများဖြင့် ကြုံတွေ့နေရပြီးလက်ရှိဆီဆိုင်မြို့တွင်ရေကားတစ်စီးလျှင် ၁၅,၀၀၀ ကျပ်မှ ၂၀,၀၀၀ ကျပ်အထိပေးဝယ်နေရပြီး၊ ပင်လောင်းမြို့ရှိကျေးရွာများတွင် ရေပေပါတစ်ပုံးလျှင် ၅,၀၀၀ ကျပ်ဖြင့်ပေးဝယ်နေရကြောင်း သိရသည်။
