လာမည့် တပေါင်းလပြည့် မတ်လ ၁၃ ရက်တွင် ရန်ကုန်တိုင်းဒေသကြီး၊ မြန်မာနိုင်ငံတိုင်းရင်းဆေးဆရာအသင်းက ကြီးမှူး၍ 'မြန်မာနိုင်ငံတိုင်းရင်းဆေးသမားတော်နေ့' အခမ်းအနားကို ရန်ကုန်မြို့၊ ဗဟန်းမြို့နယ်ရှိ M3 Food Center တွင် ကျင်းပမည်ဖြစ်သည်။ ၎င်းအခမ်းအနားသို့ တိုင်းရင်းဆေးသမားတော်ကြီးများနှင့် ဆရာကြီး၊ ဆရာမကြီးများအား ဖိတ်ကြားထားပြီး၊ တိုင်းရင်းဆေးသမားတော်နေ့ကို ကြိုဆိုသောအားဖြင့် မတ်လ ၅ ရက်တွင် ရန်ကုန်တိုင်းအတွင်းရှိ တိုင်းရင်းဆေးမှူးများက သက်ကြီးရွယ်အို ၆၇ ဦးအား ဆီးချိုရောဂါအကြောင်း ဟောပြောခြင်းနှင့် ကျန်းမာရေးစောင့်ရှောက်မှုများ ပေးခဲ့ကြောင်း သိရသည်။
