စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၏ အချက်အလက်များအရ မြန်မာနိုင်ငံသို့ EV ကားတင်သွင်းမှုသည် ၂၀၂၄ ခုနှစ်၊ ဖေဖော်ဝါရီလတွင် ဇန်နဝါရီလထက် နှစ်ဆမြင့်တက်ခဲ့သည်။ ဇန်နဝါရီလတွင် EV ကားအစီးရေ ၃၀၄ စီး တင်သွင်းခဲ့ရာမှ ဖေဖော်ဝါရီလတွင် ၆၀၉ စီးအထိ တင်သွင်းခဲ့သည်။ ဇန်နဝါရီလတွင် Leap Motor T03 ၊ BYD Atto3 နှင့် HONGQI EQM5 မော်ဒယ်များ အများဆုံးတင်သွင်းခဲ့ပြီး ဖေဖော်ဝါရီလတွင် GAC Toyota BZ4X ၊ DongFeng E70 နှင့် DongFeng Nammi 01 မော်ဒယ်များ အများဆုံးတင်သွင်းခဲ့ကြောင်း သိရသည်။ DongFeng အမှတ်တံဆိပ်သည် ဖေဖော်ဝါရီလတွင် အများဆုံးတင်သွင်းခဲ့သည့် အမှတ်တံဆိပ်ဖြစ်သည်။
