နွေရာသီကျောင်းပိတ်ရက်ဖြစ်သည့်အတွက် ရန်ကုန်မြို့ရှိတိရစ္ဆာန်ရုံ၌ စည်ကားနေပြီး စနေ၊ တနင်္ဂနွေနေ့များတွင် လာရောက်လည်ပတ်သူ သာမန်ထက် ပိုများနေကြောင်း သိရသည်။ယနေ့ စနေနေ့တွင် ရန်ကုန်တိရစ္ဆာန်ရုံတွင် ကျောင်းစာမေးပွဲများပြီး၍လာရောက်လည်ပတ်သည့် ကလေးများ များပြားနေကြောင်း သိရသည်။ကျောင်းပိတ်ရက်ကာလ၌ ရွှေတိဂုံစေတီတော်၊ ဗိုလ်တထောင်စေတီတော်၊ ကျောက်တော်ကြီးဘုရား၊ ကမ္ဘာအေးစေတီ၊ ပြည်သူ့ရင်ပြင် ဥယျာဉ်၊ မဟာဗန္ဓုလပန်းခြံ၊ မြို့တော်ခန်းမ၊ ကန်တော်ကြီး ဥယျာဉ်၊ အင်းလျားကန်စောင်း၊ အများပြည်သူ အပန်းဖြေရာနေရာများ၊ ဈေးဝယ်စင်တာများ အပန်းဖြေသူများဖြင့် လူစည်ကားလျက်ရှိကြောင်း သိရသည်။
