မြန်မာနိုင်ငံအတွင်းရှိ သင်္ဘောသားများအတွက် ပင်စင်စနစ်တမျိုး ထူထောင်ရန်အတွက် သက်ဆိုင် ရာဌာနများထံသို့ အဆိုပြု တင်ပြထားပြီး လက်ရှိအချိန်အထိ အကြောင်းပြန်တာ မရှိသေးဘူးလို့ မြန်မာနိုင်ငံ ပင်လယ်ကူးသင်္ဘောသားအလုပ်သမားများအဖွဲ့ချုပ် (MSF) ဆီက သိရပါသည်။လက်ရှိမှာ သင်္ဘောသားပင်စင်စနစ်ကိုလုပ်ဆောင်နိုင်ဖို့ စီစဉ်နေဆဲဖြစ်ပြီး၊ညပင်စင်စနစ်ကို ကိုင် တွယ် ပြီးစီမံခန့်ခွဲမယ့်အဖွဲ့အစည်းတွေနဲ့ ဆွေးနွေးနေပြီးညှိနှိုင်းဆွေးနွေးပြီးအဖြေတစ်ခုရရှိပါက သင်္ဘော သားတွေကိုအသိပေး ထုတ်ပြန်သွားမယ်လို့ သိရပါသည်။မြန်မာနိုင်ငံမှာ မှတ်ပုံတင်ထားတဲ့ သင်္ဘောသား မှတ်ပုံ တင်အရ စုစုပေါင်း တစ်သိန်းခွဲနီးပါးရှိပြီး၊ အသက် (၁၈) နှစ်မှ (၆၅) နှစ်အတွင်း ဦးရေမှာ ၇၀၀၀၀ မှ ၈၀၀၀၀ ကြားရှိနေကြောင်း MSF စာရင်းအရ သိရပါသည်။
