ရှမ်းပြည် ကွတ်ခိုင်မြို့နယ် မုံးစီးဒေသတွင် ရွှေတူးဖော်မှုကို သွားရောက်ကန့်ကွက်စဉ် သေနတ်ပစ်ခတ်ခံရပြီး သေဆုံးခဲ့သူ (၆) ဦးကို ယနေ့ အသုဘချမည်ဖြစ်ကြောင်း စုံစမ်းသိရသည်။ယနေ့ (မတ်လ ၇ ရက်) နေ့လယ်ပိုင်း၌ ပန်ယန်းခါးကျေးရွာတွင် ထားရှိသည့် ၎င်းသေဆုံးသူတို့၏ ရုပ်အလောင်းများကို မြေမြှုပ်သင်္ဂြိုဟ်မည်ဖြစ်ပြီးယမန်နေ့ (မတ်လ ၆ ရက်) ညပိုင်း၌ မုံးစီးကျေးရွာတွင် တရားဟောဆရာ၊ ကချင်လူကြီးများနှင့် ဆွေးနွေးခဲ့စဉ် သေဆုံးသူများ၏ အသုဘစရိတ်နှင့် ထိခိုက်ဒဏ်ရာရသူများအတွက် ဆေးကုသစရိတ်တို့ကို တာဝန်ယူမည်ဖြစ်ပြီး ရွှေတူးဖော်မှုကိုလည်း ရပ်နားမည်ဖြစ်ကြောင်း ပြောဆိုခဲ့သည်ဟု ဆိုသည်။
