မတ်လ ၅ ရက်နေ့ နေ့လယ် ၁၂ နာရီကရန်ကုန်တိုင်းဒေသကြီး၊ အလုံခရိုင်၊ အလုံမြို့နယ် လွတ်လပ်ရေးရပ်ကွက်ရှိ Sweet Rose စားသောက်ဆိုင်မှ စင်တင်တေးဂီတ လုပ်ငန်းလိုင်စင် Unplugged (သက်တမ်းတိုး) လျှောက်ထားလာခြင်းအား ကွင်းဆင်းစစ်ဆေးခဲ့ကြောင်း သိရပါတယ်။ စစ်ဆေးရာတွင် Sweet Rose စားသောက်ဆိုင်အတွင်း ခိုက်ရန်ဖြစ်ပွားမှုများ မဖြစ်စေရေး၊ မြန်မာ့ယဉ်ကျေးမှုနှင့် ဆန့်ကျင်သော ၀တ်စားဆင်ယင်မှုများ မဖြစ်စေရေး၊ မူးယစ်ဆေးဝါးများ ရောင်းချခြင်း၊ သုံးစွဲခြင်းများမရှိစေရေးစသည့် အချက် ၂၀ ပါစည်းကမ်းချက်များအား ကွင်းဆင်းစစ်ဆေးခဲ့ခြင်းဖြစ်ပါတယ်။
