တပေါင်းလပြည့်နေ့မှာ ဖွင့်လှစ်မည့် မကွေးတိုင်းဒေသကြီး၊ မြို့သစ်မြို့နယ်ရှိ ဗိဿနိုးသစ္စာပေါင်းကူးတံတား၏ ညမီးအလှ

မကွေးတိုင်းဒေသကြီး၊ မြို့သစ်မြို့နယ်၊ ဗိဿနိုးနယ်မြေ၊ ရွှေရောင်တော်စေတီအနီး၊ ကနီကျေးရွာတွင် သဲဖြူနှင့် မဟာမြိုင်တောရဆရာတော်ကြီး တည်ဆောက်ပေးနေပြီး လာမည့်တပေါင်းလပြည့်နေ့(မတ်၁၃ရက်)တွင် ဖွင့်လှစ်မည့် ယင်းချောင်းကူး ပေ ၂၇၀ အရှည်ရှိ ဗိဿနိုး သစ္စာပေါင်းကူး တံတား၏ ယနေ့မတ်၅ရက် ညမီးအလှမြင်ကွင်းများဖြစ်သည်။တပေါင်းလပြည့်နေ့တွင် သဲဖြူဆရာတော်ကြီးနှင့် ပင့်သံဃာ အပါး ၅၀၀ကို ဆန်ဆွမ်းစိမ်း လှူဖွယ်ပစ္စည်းများ လောင်းလှူပါမည် ။ ထို့ပြင် တံတားဖွင့်ပွဲအထိမ်းအမှတ်အဖြစ် ကနီကျေးရွာ တံတားကြီးအနီးရှိ စတုဒိသာမဏ္ဍပ်၌ မတ်၁၁ရက်မှ မတ်၁၃ရက်အထိ ၃ ရက်တိုင်တိုင် စတုဒိသာ ထမင်းဟင်း အာဟာရဒါန လှူဒါန်းမည်ဖြစ်ကြောင်း သိရပါသည်။