ဗြိတိန်၊ ပြင်သစ်နဲ့ ယူကရိန်း အပစ်ရပ်ရေးအစီအစဉ် ပူးပေါင်းရေးဆွဲဖို့ပြင်ဆင်

အမေရိကန်ကို တင်ပြမယ့် အပစ်အခတ်ရပ်စဲရေး အစီအစဉ်အတွက် ပြင်သစ်၊ ယူကရိန်းတို့နဲ့ အတူ ဗြိတိန်နိုင်ငံက ပူးပေါင်းကြိုးပမ်းဖို့ သဘောတူလိုက်ကြောင်း ဝန်ကြီးချုပ် Keir Starmer က ဒီကနေ့ပဲ ပြောလိုက်ပါသည်။တိုက်ပွဲတွေ ရပ်နိုင်အောင် ပြင်သစ်နိုင်ငံအပြင် တခြားနိုင်ငံတနိုင်ငံ၊ ၂ နိုင်ငံလောက်နဲ့အတူ ကြိုးပမ်းဖို့ သဘောတူထားပြီး၊ ထွက်ပေါ်လာတဲ့ အစီအစဉ်ကို အမေရိကန်နဲ့ ပြန်ဆွေးနွေးမယ်လို့လည်း ပြောပါတယ်။ ဗြိတိန်ဝန်ကြီးချုပ်နဲ့ ပြင်သစ်သမ္မတ Emmanuel Macron တို့ ၂ ဦးစလုံးကတော့ သမ္မတထရမ့်နဲ့ ပြီးခဲ့တဲ့ သောကြာနေ့ကစ ဆက်သွယ်ပြောဆိုတာတွေ ရှိနေပါသည်။