မလေးရှားနိုင်ငံတွင် တရားမဝင်မြန်မာရွှေ့ပြောင်းလုပ်သားအချို့ ဖမ်းဆီးခံရခြင်းများရှိနေ

ဖေဖော်ဝါရီလကုန်ပိုင်းမှ စတင်ကာ မလေးရှားအာဏာပိုင်များက စက်ရုံ၊ အလုပ်ရုံနှင့် စားသောက်ဆိုင်လုပ်ငန်းအစရှိသည့်လုပ်ငန်းခွင်များကို ရှောင်တခင်ဝင်ရောက်စစ်ဆေးကာ ဖမ်းဆီးခြင်းများရှိနေခြင်းဖြစ်သည်။ လက်ရှိတွင် မလေးရှားနိုင်ငံ၌ တရားမဝင်လုပ်သားများကို ဆက်တိုက်ဖမ်းဆီးစစ်ဆေးမှုများရှိနေသဖြင့် နေထိုင်သွားလာရာတွင် သတိဖြင့်သွားလာနေထိုင်ကြရန် မလေးရှားရှိ မြန်မာလုပ်သားအကြား သတိပေးမှုများရှိနေကြောင်း မလေးရှားရောက်မြန်မာလုပ်သားများထံမှ သိရသည်။