အမေရိကန်ပြည်ထောင်စု၊ တက္ကဆက်ပြည်နယ်အနောက်ပိုင်းမှာ ဝက်သက်ရောဂါကူးစက်မှုကြောင့် လူတစ်ဦး သေဆုံးခဲ့ပါတယ်။ ဒါဟာ ဆယ်စုနှစ်နှောင်းပိုင်း အမေရိကန်ပြည်ထောင်စု မှာ ဝက်သက်ရောဂါနဲ့ပထမဆုံး သေဆုံးတာ ဖြစ်ပါတယ်။ Texas Tech တက္ကသိုလ် ကျန်းမာရေးသိပ္ပံဌာနက ပြောရေးဆိုခွင့်ရှိသူ Melissa Whitfield က သေဆုံးမှုကို ဖေဖော်ဝါရီ ၂၆ ရက်က အတည်ပြုခဲ့တာပါ။ သေဆုံးသွားတဲ့ လူနာရဲ့ အသက်အရွယ်ကိုတော့ ရှင်းရှင်းလင်းလင်း မသိရသေးပါဘူး။ လက်ရှိမှာ တက္ကဆက် ပြည်နယ်အနောက်ပိုင်းက ကျေးလက်ဒေသက ခရိုင် ၉ ခု မှာ ဝက်သက်ရောဂါ ကူးစက်ခံရသူ ၁၂၄ ယောက်အထိ တိုးလာတယ်လို့ ပြည်နယ်ကျန်းမာရေးဌာနက ထုတ်ပြန်ထားပါတယ်။
