ဖေဖော်ဝါရီ၂၆ရက်နံနက် ၈ နာရီခွဲဝန်းကျင်မှာChatuchak နဲ့ Phahon Yothin ဘူတာရုံအကြားတွင်ဘန်ကောက်ရဲ့ MRT Blue Line ရထား ဝန်ဆောင်မှုဟာ ခရီးသွားများတဲ့ အချိန်မှာ ၁၀ မိနစ်ခန့် နည်းပညာ ပြဿနာနဲ့ ရင်ဆိုင်ခဲ့ရပြီး ခရီးသည်များစွာ ဘူတာရုံမှာ စောင့်ဆိုင်းခဲ့ကြရပါတယ်။ အဲဒီနောက် ၁၀ မိနစ်အကြာမှာ ဝန်ဆောင်မှု ပြန်လည် စတင်နိုင်ခဲ့ပြီး နံနက် ၉ နာရီ ၁၅ မိနစ်မှာ ဝန်ဆောင်မှုဟာ ပုံမှန်ပြန်ဖြစ်သွားခဲ့တယ်လို့ MRT Blue Line ရဲ့ အော်ပရေတာ Bangkok Expressway and Metro Plc (BEM) က ပြောပါတယ်။ BEM က ပြဿနာ ဖြစ်ပွားတဲ့ ရထားပေါ်မှ ခရီးသည်တွေနဲ့ ဘူတာရုံမှာ စောင့်ဆိုင်းနေခဲ့ရတဲ့ ခရီးသည်တွေကို တောင်းပန်ကြောင်း ကြေညာခဲ့ပါတယ်။ 
