ဂျပန်နိုင်ငံ၏ အစိုးရကြွေးမြီ စံချိန်တင် ယန်း ၁,၃၀၀ ထရီလီယံအထိ မြင့်တက်လာ

ဂျပန် ဘဏ္ဍာရေးဝန်ကြီးဌာန၏ ထုတ်ပြန်ချက်အရ ၂၀၂၆ ခုနှစ် ဇွန်လကုန်အထိ ဂျပန်အစိုးရ၏ အကြွေးနွံစုစုပေါင်းသည် ယန်း ၁,၃၀၀ ထရီလီယံကျော် (အမေရိကန်ဒေါ်လာ ၈.၈ ထရီလီယံခန့်) အထိ ရောက်ရှိသွားပြီး စံချိန်တင် အမြင့်ဆုံး ပမာဏသို့ ရောက်ရှိသွားခဲ့သည်။လူဦးရေ အိုမင်းမကင်းမှုကြောင့် လူမှုဖူလုံရေး စရိတ်များ တစ်နှစ်ထက်တစ်နှစ် မြင့်တက်လာခြင်း၊ ကာကွယ်ရေး အသုံးစရိတ်များ တိုးမြှင့်လိုက်ခြင်းနှင့် ကိုဗစ်-၁၉ ကာလအတွင်း ထုတ်ချေးခဲ့သော ရန်ပုံငွေများကြောင့် အစိုးရ၏ ကြွေးမြီပမာဏ ပိုမိုကြီးမားလာခြင်း ဖြစ်သည်။ ဂျပန်နိုင်ငံ၏ ကြွေးမြီ ပမာဏသည် တိုင်းပြည်၏ ဂျီဒီပီ (GDP) ထုတ်လုပ်မှု ပမာဏထက် ၂ ဆကျော် ပိုမိုများပြားနေပြီး အဆင့်မြင့် စီးပွားရေးဖွံ့ဖြိုးပြီး နိုင်ငံများအနက် ကြွေးမြီ အမြင့်ဆုံး ဖြစ်နေသည်။လက်ရှိတွင် ဂျပန်ဗဟိုဘဏ်က အတိုးနှုန်းများကို စတင်တိုးမြှင့်နေသည့်အတွက် အစိုးရအနေဖြင့် ချေးငွေများအတွက် အတိုးပြန်ဆပ်ရမည့် စရိတ်များ ပိုမိုမြင့်တက်လာမည်ဖြစ်ရာ ဘဏ္ဍာရေး ရေရှည်တည်တံ့ရေးအတွက် စိန်ခေါ်မှုများစွာနှင့် ရင်ဆိုင်နေရသည်။