ဗီယက်နမ်၊ ဟိုချီမင်း ဂူဗိမာန်ကို စက်တင်ဘာ ၄ ရက်မှစ၍ ပုံမှန် ပြုပြင်ထိန်းသိမ်းရေးအတွက် ယာယီပိတ်ထားမည်ဖြစ်

ဗီယက်နမ်နိုင်ငံ ဟနွိုင်းမြို့ရှိ သမ္မတ ဟိုချီမင်း ဂူဗိမာန် (Ho Chi Minh Mausoleum) ကို ပုံမှန်ပြုပြင်ထိန်းသိမ်းရေး လုပ်ငန်းများ ဆောင်ရွက်ရန်အတွက် ၂၀၂၆ ခုနှစ် စက်တင်ဘာလ ၄ ရက်နေ့မှ နိုဝင်ဘာလ ၂ ရက်နေ့အထိ ပြည်တွင်းပြည်ပ ခရီးသွားများ လာရောက်ကြည့်ရှုခြင်းကို ယာယီပိတ်ထားမည်ဖြစ်ကြောင်း ဟိုချီမင်း ဂူဗိမာန် ထိန်းသိမ်းရေးဆိုင်ရာ ကွပ်ကဲမှုဌာနက ထုတ်ပြန်ခဲ့သည်။အဆိုပါ ဂူဗိမာန်ကို နိုဝင်ဘာလ ၃ ရက်နေ့တွင် ပြန်လည်ဖွင့်လှစ်သွားမည်ဖြစ်ပြီး ဌာနဆိုင်ရာများ၊ အဖွဲ့အစည်းများနှင့် ခရီးသွားများအနေဖြင့် လာရောက်လည်ပတ်မည့် အစီအစဉ်များကို ကြိုတင်ပြင်ဆင်နိုင်ရေးအတွက် အသိပေး ထုတ်ပြန်ခြင်းဖြစ်သည်။