တောင်ကိုရီးယား၌ လူဦးရေ လျော့နည်းကျဆင်းမှု စိန်ခေါ်မှုနှင့် ရင်ဆိုင်နေရလို့ ဗီယက်နမ်နိုင်ငံနှင့် ပူးပေါင်းဆောင်ရွက်ရန် လုပ်ဆောင်နေ

တောင်ကိုရီးယားနိုင်ငံတွင် မွေးဖွားနှုန်း ကျဆင်းခြင်းနှင့် လူဦးရေ သက်ကြီးရွယ်အို ပိုမိုများပြားလာခြင်း (Demographic Crisis) ကြောင့် ကျေးလက်ဒေသများ၌ လုပ်သားအင်အား လျော့နည်းလာမှု စိန်ခေါ်မှုကို ဖြေရှင်းရန်အတွက် တောင်ကိုရီးယား ဒေသဆိုင်ရာ ကောင်တီ/မြို့နယ် အာဏာပိုင်များသည် ဗီယက်နမ်နိုင်ငံမှ ဒေသအာဏာပိုင်များနှင့် တိုက်ရိုက် ချိတ်ဆက် ပူးပေါင်းဆောင်ရွက်လျက်ရှိကြောင်း ၂၀၂၆ ခုနှစ် ဩဂုတ်လ ၇ ရက်နေ့တွင် သတင်းထုတ်ပြန်ခဲ့သည်။အဆိုပါ ပူးပေါင်းဆောင်ရွက်မှုအရ တောင်ကိုရီးယား ကျေးလက်ဒေသများ၏ စိုက်ပျိုးရေးနှင့် မွေးမြူရေး ကဏ္ဍများတွင် လိုအပ်နေသော ရာသီအလိုက် လုပ်သားများ (Seasonal Workers) နှင့် ပြည်ပ လုပ်သားများကို ဗီယက်နမ်မှ စနစ်တကျ စေလွှတ်ပေးနိုင်ရန် သဘောတူညီချက်များ ရယူဆောင်ရွက်ခြင်းဖြစ်သည်။ ထို့အပြင် ရေရှည်တွင် အဆိုပါ ဒေသများ၌ အခြေချ နေထိုင်နိုင်ရေးနှင့် ဒေသတွင်း စီးပွားရေး လည်ပတ်နိုင်ရေးအတွက်ပါ ရည်ရွယ် ဆောင်ရွက်ခြင်းဖြစ်သည်။တောင်ကိုရီးယား အစိုးရအနေဖြင့်လည်း အဓိက မြို့ကြီးများ အပြင်ဘက်ရှိ ကျေးလက် ဒေသများတွင် လူဦးရေ လျော့နည်း ပပျောက်သွားမည့် အန္တရာယ်ကို ကာကွယ်ရန် ပြည်ပ ရွှေ့ပြောင်းလုပ်သားများနှင့် နိုင်ငံတကာ ကျောင်းသားများအား ဒေသတွင်း ပိုမို ဆွဲဆောင် စည်းရုံးနိုင်ရေး မူဝါဒများကို အရှိန်အဟုန်မြှင့် ကျင့်သုံးလျက်ရှိသည်။