ထိုင်းတွင် အလုပ်ထုတ်ခံရသည့် မြန်မာလုပ်သား ၁၅ ဦးအတွက် နစ်နာကြေး ဘတ် ၉၅,၀၀၀ ရရှိရန် ညှိနှိုင်းနိုင်ခဲ့

ထိုင်းနိုင်ငံ၊ ချွန်ဘူရီခရိုင်ရှိ လေအေးပေးစက်စက်ရုံမှ ပြီးခဲ့သည့် ဧပြီလက အလုပ်ထုတ်ခံခဲ့ရသည့် မြန်မာလုပ်သား ၁၅ ဦးအတွက် စုစုပေါင်း နစ်နာကြေး ဘတ် ၉၅,၀၀၀ ရရှိရေးကို MHAC အဖွဲ့၏ ကူညီမှုဖြင့် ဩဂုတ် ၆ ရက်တွင် အလုပ်သမားတရားရုံး၌ နှစ်ဦးနှစ်ဖက် ညှိနှိုင်းအောင်မြင်ခဲ့ကြောင်း သိရသည်။ အဆိုပါ နစ်နာကြေးကို စက်ရုံဘက်က တစ်ဦးလျှင် ဘတ် ၆,၅၀၀ စီဖြင့် လာမည့် ဩဂုတ် ၃၁ ရက်မှစ၍ ပေးလျော်သွားမည်ဖြစ်ပြီး၊ မြန်မာလုပ်သားများအနေဖြင့် ပတ်စပို့သက်တမ်းတိုးရန် အချိန်အခက်အခဲရှိနေ၍ ရေရှည်အယူခံမဝင်တော့ဘဲ ယခုကဲ့သို့ အလျှော့အတင်းလုပ်ကာ သဘောတူညီချက်ကို လက်ခံခဲ့ကြခြင်းဖြစ်ကြောင်း သိရသည်။