တရုတ်နိုင်ငံက အမေရိကန်၏ ကန့်သတ်မှုများအပေါ် တန်ပြန်အစီအမံများ ထုတ်ပြန်ဆန့်ကျင်

အမေရိကန် ဖက်ဒရယ် ဆက်သွယ်ရေးကော်မရှင် (FCC) နှင့် အမိမြေလုံခြုံရေးဌာနတို့၏ ကန့်သတ်မှုများကို တုံ့ပြန်သည့်အနေဖြင့် တရုတ်နိုင်ငံ စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနက တန်ပြန်အစီအမံများ ချမှတ်ခဲ့ကြောင်း ဩဂုတ် ၅ ရက်တွင် ပြောကြားခဲ့သည်။ အမေရိကန်၏ လုပ်ဆောင်ချက်များသည် ခေါင်းဆောင်နှစ်ဦး၏ ဘုံသဘောတူညီချက်များကို ချိုးဖောက်ပြီး တရုတ်နိုင်ငံ၏ အခွင့်အရေးနှင့် အကျိုးစီးပွားကို ထိပါးသဖြင့် မလွှဲမရှောင်သာ တုံ့ပြန်ရခြင်းဖြစ်ကြောင်း သိရသည်။တရုတ်နိုင်ငံ၏ တန်ပြန်အစီအမံများတွင် ပြည်ပဆော့ဝဲလ်စနစ် ပါရှိသော တင်သွင်း ရုံးသုံး ပရင့်တာနှင့် မိတ္တူကူးစက်များကို အမျိုးသားလုံခြုံရေးအရ ပထမဆုံးအကြိမ် စုံစမ်းစစ်ဆေးခြင်း၊ အမေရိကန်သို့ ဒရုန်းနှင့် ဆက်စပ်သည့် စစ်ဘက်-အရပ်ဘက် နှစ်မျိုးသုံးပစ္စည်း တင်ပို့မှုများကို ပိုမိုတင်းကျပ်စွာ ထိန်းချုပ်ခြင်းတို့ ပါဝင်သည်။ ထို့ပြင် Compliance Testing LLC အပါအဝင် အမေရိကန်ကုမ္ပဏီ ၇ ခုအား ဒဏ်ခတ်အရေးယူသည့်အပြင် တရုတ်နိုင်ငံ၏ မဖြစ်မနေ အသိအမှတ်ပြုထောက်ခံချက် (CCC) စနစ်အရ အမေရိကန်အခြေစိုက် စိစစ်ရေးအဖွဲ့များ၏ စက်ရုံနောက်ဆက်တွဲ စစ်ဆေးခွင့်များကိုလည်း ရပ်ဆိုင်းခဲ့သည်။