မန္တလေးတိုင်းဒေသကြီး၊ ချမ်းအေးသာစံမြို့နယ်၊ အောင်နန်းရိပ်သာ အနောက်ရပ်ကွက်၊ ၃၄ လမ်း (၃၄x၃၅ လမ်းကြား) တွင် ဩဂုတ် ၆ ရက် နံနက် ၀၀ နာရီ ၅၂ မိနစ်ခန့်က မီးလောင်မှု စတင်ဖြစ်ပွားခဲ့သည်။ အဆိုပါ မီးလောင်မှု သတင်းရရှိသဖြင့် ချမ်းအေးသာစံမြို့နယ် မီးသတ်စခန်းမှ မီးသတ်ယာဉ်အုပ်စုများနှင့် သန္ဓေမီးသတ် တပ်ဖွဲ့ဝင်များ သွားရောက် ငြှိမ်းသတ်ခဲ့ရာ နံနက် ၀၁ နာရီ ၃၈ မိနစ်တွင် မီးထိန်းနိုင်ခဲ့ပြီး ၀၂ နာရီ ၁၅ မိနစ်အချိန်၌ မီးလုံးဝ ငြိမ်းသတ်နိုင်ခဲ့သည်။ မီးသတ်ဦးစီးဌာနအနေဖြင့် မီးလောင်မှုနှင့် သဘာဝဘေးအန္တရာယ်များ ကြုံတွေ့ပါက Hotline ဖုန်းနံပါတ် ၁၉၁ သို့မဟုတ် သက်ဆိုင်ရာ ကွပ်ကဲရေး ဖုန်းနံပါတ်များသို့ ဆက်သွယ် သတင်းပေးပို့နိုင်ကြောင်း အသိပေးထားသည်။
