ထိုင်းနိုင်ငံ မြောက်ပိုင်း၊ အရှေ့မြောက်ပိုင်းနှင့် အရှေ့ပိုင်းဒေသများတွင် မိုးအလွန်သည်းထန်နိုင်ကြောင်း ထိုင်းမိုးလေဝသဌာန သတိပေး

ထိုင်းနိုင်ငံ မြောက်ပိုင်း၊ အရှေ့မြောက်ပိုင်းနှင့် အရှေ့ပိုင်းဒေသများ၌ မိုးသည်းထန်စွာ ရွာသွန်းနိုင်ပြီး အချို့နေရာများတွင် မိုးအလွန်သည်းထန်နိုင်ကြောင်း ထိုင်းမိုးလေဝသဌာနက ဩဂုတ် ၄ ရက် ညနေပိုင်းတွင် သတိပေးချက်အမှတ် (၂) ထုတ်ပြန်ထားသည်။ ထိုင်းမိုးလေဝသဌာန၏ ခန့်မှန်းချက်အရ မြောက်ပိုင်းဒေသများဖြစ်သည့် မဲဟောင်ဆောင်၊ ချင်းမိုင်၊ ချင်းရိုင်၊ လမ်းပန်း၊ ဖယောင်း၊ ဖရယ်၊ နန်း၊ အူတာရဒစ်နှင့် ဖက်ချဘွန်းတို့တွင် မိုးကြိုးမုန်တိုင်းများနှင့်အတူ မိုးသည်းထန်စွာ ရွာသွန်းနိုင်ကြောင်း သိရသည်။