မိုးသည်းထန်စွာ ရွာသွန်းမှုကြောင့် ချန်ဒူး၌ တနင်္လာနေ့တွင် ရထားခရီးစဉ် ၃၁ ခု ယာယီရပ်နား

တရုတ်နိုင်ငံ အနောက်တောင်ပိုင်း စီချွမ်းပြည်နယ်၊ ချန်ဒူးမြို့မှ ထွက်ခွာမည့် သို့မဟုတ် ဆိုက်ရောက်မည့် ရထားခရီးစဉ် ၃၁ ခုကို မိုးသည်းထန်စွာ ရွာသွန်းမှုကြောင့် တနင်္လာနေ့တွင် ယာယီရပ်နားမည်ဖြစ်ကြောင်း China Railway Chengdu Group Co., Ltd. က ထုတ်ပြန်သည်။ ယခု ရထားခရီးစဉ်များ ရပ်နားမှုသည် ပေကျင်း၊ ရှန်ဟိုင်း၊ ကွမ်ကျိုး၊ ရှန်ကျန်း အပါအဝင် အခြားသော မြို့ကြီးများသို့ ပြေးဆွဲသည့် ခရီးစဉ်များကို ထိခိုက်စေမည်ဖြစ်သည်။ တနင်္ဂနွေနေ့မှ အင်္ဂါနေ့အထိ စီချွမ်း၊ ကွေ့ကျိုးနှင့် ချုံချင့် ဒေသအချို့တွင် မိုးသည်းထန်စွာ ရွာသွန်းမည်ဟု ခန့်မှန်းထားသောကြောင့် ယခုကဲ့သို့ ကြိုတင်ကာကွယ် ရပ်နားခဲ့ခြင်း ဖြစ်သည်။