ထိုင်းနိုင်ငံ၌ ဝါတွင်း ၃ လ အရက်ဖြတ်သည့် ကမ်ပိန်းတွင် လူသန်းပေါင်းများစွာ ပါဝင်ဆင်နွှဲ

ထိုင်းနိုင်ငံတွင် ဗုဒ္ဓဘာသာဝင်များ၏ ဝါတွင်းသုံးလ ကာလအတွင်း အရက်သေစာ သောက်စားခြင်းမှ ရှောင်ကြဉ်ရန် သန်းနှင့်ချီသော ပြည်သူများက ကတိပြု ပါဝင်လျက်ရှိသည်။ ၂၀၀၃ ခုနှစ်မှ စတင်ခဲ့သော အဆိုပါ အစီအစဉ်သည် ကျန်းမာရေးနှင့် ဘာသာရေး ယုံကြည်မှုများကို ပေါင်းစပ်ထားခြင်းဖြစ်ပြီး မနှစ်က လူပေါင်း ၈ သန်းကျော် ပါဝင်ခဲ့ကြောင်း သိရသည်။ ကမ္ဘာ့ကျန်းမာရေးအဖွဲ့ (WHO) ၏ ၂၀၂၄ ခုနှစ် စာရင်းများအရ အာရှတွင် အရက်သောက်သုံးမှု တတိယအများဆုံးဖြစ်သည့် ထိုင်းနိုင်ငံ၌ ယခုကဲ့သို့ အရက်သောက်သည့် ယဉ်ကျေးမှုကို ပြောင်းလဲနိုင်ရန် တာဝန်ရှိသူများက မဟာဗျူဟာများ ချမှတ် လုပ်ဆောင်လျက်ရှိသည်။