ရှမ်းပြည်နယ်တောင်ပိုင်း၊အောင်ပန်းကုန်စည်ဈေးကွက်တွင် ကြက်သွန်နီနှင့် ငရုတ်ခြောက်ဈေး မြင့်တက်နေ၊ ဟင်းသီးဟင်းရွက်အများစု ဈေးအေးနေဆဲ

ရှမ်းပြည်နယ်တောင်ပိုင်း၊ အောင်ပန်းမြို့ ကုန်စည်ဈေးကွက်၌ ဩဂုတ် ၂ ရက်နေ့ ပေါက်ဈေးများအရ ကြက်သွန်နီ၊ ငရုတ်ခြောက်နှင့် အရည်အသွေးကောင်း ကြက်သွန်ဖြူတို့မှာ ဝယ်လိုအားကောင်းသဖြင့် ဈေးနှုန်းမြင့်တက်လျက်ရှိသည်။ သို့သော် ခရမ်းချဉ်သီး၊ ဂေါ်ဖီထုပ်၊ ပန်းပွင့်၊ အာလူးနှင့် ဟင်းသီးဟင်းရွက် အများစုမှာ မိုးရာသီ ကုန်အဝင်များပြီး အဝယ်အေးနေသည့်အတွက် ဈေးအေးသည့် အခြေအနေတွင်သာ ရှိနေကြောင်း ကုန်သည်များထံမှ သိရသည်။