မွန်ပြည်နယ်၊မော်လမြိုင် မုယောင်းအမှိုက်ကျင်း၌ သဘာဝမြေဩဇာစက်ရုံ တည်ဆောက်ရန် မွန်ပြည်နယ်စည်ပင် အဆိုပြုလွှာဖိတ်ခေါ်

မွန်ပြည်နယ်၊ မော်လမြိုင်မြို့၊ မုယောင်းအမှိုက်ကျင်း ဧရိယာအတွင်း ကိုယ်ပိုင်ရင်းနှီးမြှုပ်နှံမှုဖြင့် သဘာဝမြေဩဇာ စက်ရုံ တည်ဆောက်ထုတ်လုပ်ရန် စိတ်ပါဝင်စားသည့် မြန်မာနိုင်ငံသား လုပ်ငန်းရှင်များအနေဖြင့် စိတ်ဝင်စားမှု အဆိုပြုလွှာများကို လာမည့် ဩဂုတ် ၃ ရက်မှ ၁၄ ရက်အထိ လျှောက်လွှာ ဝယ်ယူကာ ဩဂုတ် ၁၉ ရက် နောက်ဆုံးထား၍ မွန်ပြည်နယ် စည်ပင်သာယာရေးအဖွဲ့ရုံးသို့ တင်သွင်းနိုင်ကြောင်း မွန်ပြည်နယ်စည်ပင်မှ ဖိတ်ခေါ်ထားသည်။