ပဲခူးတိုင်း လူငယ်စင်တာ၌ ရုရှားဘာသာစကားသင်တန်းကို အခမဲ့ ဖွင့်လှစ်သင်ကြားမည်ဖြစ်

ပဲခူးတိုင်းဒေသကြီး ဒေသဆိုင်ရာ ခရီးသွားလုပ်ငန်းကော်မတီ၏ လမ်းညွှန်မှု၊ ဟိုတယ်နှင့် ခရီးသွားညွှန်ကြားမှုဦးစီးဌာန၏ ကြီးကြပ်မှုတို့ဖြင့် ပဲခူးတိုင်း လူငယ်စင်တာ၌ ရုရှားဘာသာစကားသင်တန်းကို အခမဲ့ ဖွင့်လှစ်သင်ကြားပေးသွားမည် ဖြစ်သည်။ သင်တန်းကို လာမည့် ဩဂုတ် ၁၇ ရက်မှ ဩဂုတ် ၃၀ ရက်အထိ နေ့စဉ် နံနက် ၁၀ နာရီမှ မွန်းလွဲ ၃ နာရီအထိ သင်ကြားပို့ချပေးမည်ဖြစ်ရာ တက်ရောက်လိုသူများအနေဖြင့် သင်တန်းဝင်ခွင့် လျှောက်လွှာများကို ဩဂုတ် ၁၀ ရက် နောက်ဆုံးထား ပေးပို့လျှောက်ထားရမည်ဖြစ်သည်။ သင်တန်းပြီးဆုံး၍ အရည်အချင်းပြည့်မီသူများကို သင်တန်းဆင်း အောင်လက်မှတ်များ ချီးမြှင့်ပေးသွားမည်ဖြစ်ပြီး အသေးစိတ် သိရှိလိုပါက ပဲခူးတိုင်း ဟိုတယ်နှင့် ခရီးသွားညွှန်ကြားမှုဦးစီးဌာန ဖုန်း ၀၉-၄၂၈၁၁၈၈၇၃ နှင့် ၀၉-၄၂၀၁၃၅၁၂၁ တို့သို့ ဆက်သွယ် စုံစမ်းနိုင်ကြောင်း သိရသည်။