ဂျပန်စာအရည်အချင်းစစ် စာမေးပွဲ (JLPT) လျှောက်လွှာများ ဩဂုတ် ၃ ရက်မှ ၉ ရက်အထိ အွန်လိုင်းမှတစ်ဆင့် လက်ခံမည်

လာမည့် ဒီဇင်ဘာလတွင် ကျင်းပမည့် ဂျပန်စာအရည်အချင်းစစ် စာမေးပွဲ (JLPT) လျှောက်လွှာများကို ဩဂုတ် ၃ ရက်မှ ၉ ရက်အထိ အွန်လိုင်းမှတစ်ဆင့် စတင်လက်ခံသွားမည်ဖြစ်ကြောင်း မြန်မာနိုင်ငံ ဂျပန်ပြန်ပညာသင်ဟောင်းအသင်း (MAJA) က ထုတ်ပြန်ခဲ့သည်။ စာမေးပွဲကြေးများကို အဆင့်အလိုက် ကျပ် ၅၂,၀၀၀ မှ ၅၇,၀၀၀ အထိ သတ်မှတ်ထားပြီး ဩဂုတ် ၁၁ ရက် နောက်ဆုံးထား၍ ပေးချေရမည်ဖြစ်သည်။ ရန်ကုန်နှင့် မန္တလေးမြို့တို့တွင် ကျင်းပခဲ့သည့် ဇူလိုင်လ စာမေးပွဲ၏ ရလဒ်များကိုမူ ဩဂုတ်လကုန်ပိုင်းတွင် ထုတ်ပြန်ပေးသွားမည်ဖြစ်ကြောင်း သိရသည်။