အာဆီယံအတွင်း မြန်မာနိုင်ငံ၏ အခန်းကဏ္ဍ မြှင့်တင်ရေး နည်းလမ်းများ ဆွေးနွေး

အာဆီယံအတွင်း မြန်မာနိုင်ငံ၏ အခန်းကဏ္ဍ ပိုမိုအားကောင်းစေရေးနှင့် မြန်မာ-အာဆီယံ ပုံမှန်ဆက်ဆံရေး ပြန်လည်တိုးတက်စေရေးအတွက် "အာဆီယံအတွင်း မြန်မာနိုင်ငံ၏ အခန်းကဏ္ဍအပေါ် ပြန်လည်သုံးသပ်ခြင်း" ဆိုင်ရာ ဆွေးနွေးပွဲကို ဇူလိုင် ၃၁ ရက်က နိုင်ငံခြားရေးဝန်ကြီးဌာန၌ ကျင်းပခဲ့သည်။ အဆိုပါ ဆွေးနွေးပွဲသို့ ပြည်ထောင်စုဝန်ကြီး၊ ဒုတိယဝန်ကြီးများ၊ လွှတ်တော် နိုင်ငံတကာဆက်ဆံရေးကော်မတီ ဥက္ကဋ္ဌများနှင့် လွှတ်တော်ကိုယ်စားလှယ်များ၊ အာဆီယံ မဏ္ဍိုင် (၃) ရပ် သက်ဆိုင်ရာ ဝန်ကြီးဌာန ကိုယ်စားလှယ်များနှင့် တက္ကသိုလ်/အဖွဲ့အစည်းအသီးသီးမှ အာဆီယံဆိုင်ရာ ပညာရှင်များ တက်ရောက်ခဲ့ကြကြောင်း သိရသည်။