ဖိလစ်ပိုင်ကို အနိုင်ရသည့်ပွဲတွင် တိုက်စစ်မှူး သန်းပိုင် ပွဲစဉ်အလိုက် အကောင်းဆုံးကစားသမားဆု ရရှိ

ဖိလစ်ပိုင်အသင်းအား ၄-၁ ဂိုးဖြင့် အနိုင်ရရှိခဲ့သည့် ပွဲစဉ်တွင် မြန်မာတိုက်စစ်မှူး သန်းပိုင်သည် အနိုင်ဂိုးနှစ်ဂိုး သွင်းယူပေးခဲ့ပြီး ပွဲစဉ်အလိုက် အကောင်းဆုံးကစားသမားဆု (Man of the Match) ကို ဆွတ်ခူးခဲ့သည်။ပြီးခဲ့သည့် အာဆီယံချန်ပီယံရှစ် ပြိုင်ပွဲနှစ်ကြိမ်ဆက်တည်း ပါဝင်ခွင့်မရခဲ့သည့် သန်းပိုင်သည် ယခု ၂၀၂၆ ပြိုင်ပွဲတွင် မြန်မာအသင်းနှင့်အတူ တစ်ကျော့ပြန် ပါဝင်လာခြင်းဖြစ်သည်။ ထို့ပြင် အဆိုပါပွဲစဉ်တွင် မြန်မာအသင်းခေါင်းဆောင် မောင်မောင်လွင်က လုပ်အားနှုန်း အကောင်းဆုံးကစားသမားဆုကို ရရှိခဲ့သည်။