ရန်ကုန်မြို့၊သီလဝါဆိပ်ကမ်းတွင် စက်သုံးဆီသင်္ဘောလေးစင်း ဆီချနေ

ရန်ကုန်မြို့၊ သီလဝါ အပြည်ပြည်ဆိုင်ရာ ဆိပ်ကမ်းရှိ Terminal များသို့ ဇူလိုင် ၂၆ ရက်တွင် စက်သုံးဆီ သင်္ဘော ၄ စင်း ဆိုက်ကပ်လာပြီး ဆီစုတ်ယူချထားပေးလျက် ရှိကြောင်း လျှပ်စစ်နှင့် စွမ်းအင်ဝန်ကြီးဌာနက ထုတ်ပြန်ခဲ့သည်။ ဝန်ကြီးဌာနအနေဖြင့် ပြည်တွင်း စက်သုံးဆီ ပြတ်လပ်မှု မရှိစေရန် စဉ်ဆက်မပြတ် ဖြည့်တင်းပေးနေပြီး သုံးစွဲသူများထံ မပျက်မကွက် ရောက်ရှိစေရန်လည်း ထိန်းချုပ်ကြပ်မတ်လျက် ရှိသည်။ ထို့ပြင် အရောင်းဆိုင်များသို့ စက်သုံးဆီ ဝယ်ယူခွင့်ပြုရာတွင် Real demand ဖြစ်စေရေးအတွက် QR Code/Bar Code စနစ်များဖြင့် စိစစ်ခွင့်ပြုပေးနေသည့်အပြင် သီလဝါမှ ထုတ်ယူသည့် သယ်ယူပို့ဆောင်ရေး လမ်းကြောင်းများကိုလည်း စနစ်တကျ စောင့်ကြည့် စစ်ဆေးလျက် ရှိကြောင်း သိရသည်။