ယူကရိန်း ငြိမ်းချမ်းရေး သဘောတူညီချက် ရနိုင်ခြေနှင့် ပတ်သက်၍ ထရမ့် အကောင်းမြင်

ယူကရိန်း ပဋိပက္ခကို ငြိမ်းချမ်းစွာ ဖြေရှင်းနိုင်မည့် အလားအလာအပေါ် အမေရိကန်သမ္မတ ဒေါ်နယ်ထရမ့်က အကောင်းမြင်ထားကြောင်း အိမ်ဖြူတော် သတင်းရင်းမြစ်ကို ကိုးကား၍ The Wall Street Journal က ဖော်ပြခဲ့သည်။ သမ္မတ ထရမ့်နှင့် ၎င်း၏ အဖွဲ့သည် စစ်ပွဲ အဆုံးသတ်နိုင်ရေးအတွက် ရုရှား၊ ယူကရိန်း နှစ်ဖက်လုံးနှင့် ဆွေးနွေးသွားရန် အသင့်ရှိနေပြီး ပဋိပက္ခ အဆုံးသတ်လိုသည့် ဆန္ဒကို ရုရှားသမ္မတ ဗလာဒီမာ ပူတင်ထံ ထုတ်ဖော်ပြောကြားခဲ့ကြောင်း သိရသည်။ ထို့ပြင် အလက်စကာ ထိပ်သီးဆွေးနွေးပွဲအပြီး အမေရိကန်၏ ချဉ်းကပ်ပုံ ပြောင်းလဲလာသည်ဟု ရုရှားနိုင်ငံခြားရေးဝန်ကြီး ဆာဂေး လာဗရော့ဗ်က ပြောဆိုထားသော်လည်း ရုရှား၏ ရည်မှန်းချက်များကိုမူ အကောင်အထည်ဖော်သွားမည်ဟု ဆိုသည်။