ကမ္ဘောဒီးယားကို အမေရိကန်က ၁၀ ရာခိုင်နှုန်း သွင်းကုန်အခွန် စည်းကြပ်ခဲ့

အမေရိကန်ကုန်သွယ်ရေးကိုယ်စားလှယ်ရုံး (USTR) သည် အတင်းအဓမ္မ လုပ်အားခိုင်းစေမှုဆိုင်ရာ ပုဒ်မ ၃၀၁ အရ ကမ္ဘောဒီးယား ကုန်ပစ္စည်းများအပေါ် သွင်းကုန်အခွန် ၁၀ ရာခိုင်နှုန်း စည်းကြပ်လိုက်ကြောင်း ထုတ်ပြန်ခဲ့သည်။ အဆိုပါ စည်းကြပ်မှုနှုန်းထားသည် ၁၂.၅ ရာခိုင်နှုန်း စည်းကြပ်ခံရသည့် ဗီယက်နမ်၊ ထိုင်း၊ စင်ကာပူနှင့် ဖိလစ်ပိုင် စသည့် ဒေသတွင်း အာဆီယံပြိုင်ဘက် နိုင်ငံများထက် လျှော့နည်းသည့် သက်သာသော သက်ရောက်မှု ဖြစ်သည်။ကမ္ဘောဒီးယားအစိုးရသည် အတင်းအဓမ္မ လုပ်အားပေး ခိုင်းစေမှုဆိုင်ရာ ကန့်သတ်ချက်များကို လိုက်နာရန် အစိုးရဌာနအသီးသီးမှတစ်ဆင့် သီးသန့် အစီအမံများ လုပ်ဆောင်ခဲ့သည့်အတွက် မူလလျာထားသည့် ၁၂.၅ ရာခိုင်နှုန်းအစား ၁၀ ရာခိုင်နှုန်းသို့ လျှော့ချခံရခြင်းဖြစ်သည်။ ယခုကဲ့သို့ အခွန်နှုန်းထား လျော့နည်းရရှိမှုသည် အမေရိကန်သို့ ကုန်ပစ္စည်း တင်ပို့လိုသည့် ပြည်ပရင်းနှီးမြှုပ်နှံသူများကို ဆွဲဆောင်နိုင်မည်ဖြစ်ရာ ကမ္ဘောဒီးယား စီးပွားရေး တိုးတက်မှုနှင့် စက်မှုဇုန် ရင်းနှီးမြှုပ်နှံမှုများအတွက် အခွင့်အလမ်းကောင်းများ ရရှိစေမည်ဟု စီးပွားရေး ပညာရှင်များက သုံးသပ်ထားကြသည်။