ရန်ကုန်တိုင်းဒေသကြီး လက်ဝှေ့ကလပ်အသင်းပေါင်းစုံ ပြိုင်ပွဲကို ဩဂုတ် ၂၅ ရက်တွင် ကျင်းပမည်

ရန်ကုန်တိုင်းဒေသကြီး ကလပ်အသင်းပေါင်းစုံ အမျိုးသား/အမျိုးသမီး လက်ဝှေ့ပြိုင်ပွဲနှင့် တိုင်းဒေသကြီး လူရွေးပြိုင်ပွဲကို ဩဂုတ် ၂၅ ရက်မှ ၂၈ ရက်အထိ တောင်ဥက္ကလာပမြို့နယ်ရှိ ပဒေသာအားကစားကွင်း ရန်ကုန်တိုင်းဒေသကြီး လက်ဝှေ့လေ့ကျင့်ရေးရုံ၌ ကျင်းပသွားမည်ဖြစ်သည်။ ပြိုင်ပွဲကျင်းပရေးနှင့် အသင်းအောင်နိုင်ရေး ညှိနှိုင်းအစည်းအဝေးကို ဇူလိုင် ၂၇ ရက် မွန်းလွဲပိုင်းက ပြုလုပ်ခဲ့ပြီး ယှဉ်ပြိုင်လိုသည့် ကလပ်အသင်းများအနေဖြင့် ပြိုင်ပွဲဝင်ဖောင်များကို ဩဂုတ် ၂၁ ရက် ညနေ ၅ နာရီ နောက်ဆုံးထား ပေးသွင်းရမည်ဖြစ်ကြောင်း သိရသည်။