ရှမ်းပြည်နယ်တောင်ပိုင်း၊ တောင်ကြီးမြို့တွင် ပြင်ပစက်သုံးဆီဈေးနှုန်းများ 92 ဓာတ်ဆီ တစ်လီတာလျှင် ကျပ် ၈,၅၀၀ မှ ၉,၀၀၀ ဝန်းကျင်အထိ သိသိသာသာ မြင့်တက်လာကြောင်း သိရသည်။ လိုင်စင်ရ စက်သုံးဆီဆိုင်များ၌လည်း ဓာတ်ဆီနှင့် ဒီဇယ်ဈေးနှုန်းများ မြင့်တက်လာသော်လည်း လိုင်စင်မဲ့ မော်တော်ဆိုင်ကယ်များကို ဆီဖြည့်ပေးခြင်း မရှိသည့်အပြင် တစ်ပတ်လျှင် ၈ လီတာသာ ကန့်သတ်ရောင်းချပေးသဖြင့် ဒေသခံများနှင့် ပစ္စည်းပို့ဆောင်သူ (Delivery) များမှာ စက်သုံးဆီကို ဈေးနှုန်းကြီးမြင့်သည့် ပြင်ပဆိုင်များတွင်သာ အားထားဝယ်ယူနေရပြီး နေ့စဉ်လူမှုဘဝနှင့် စီးပွားရေးဆိုင်ရာ အခက်အခဲများ ပိုမိုကြုံတွေ့နေရကြောင်း သိရသည်။
