ပြည်တွင်းရှိ အင်တာနက်ကုမ္ပဏီများ ဝန်ဆောင်မှုပျက်ကွက်ပါက တိုင်ကြားနိုင်ပြီး ထိရောက်စွာ အရေးယူမည်ဖြစ်

ဆက်သွယ်ရေး ဝန်ဆောင်မှု လုပ်ငန်းလိုင်စင်ရ အင်တာနက်ကုမ္ပဏီများ ဝန်ဆောင်မှု ပျက်ကွက်ပါက သုံးစွဲသူများအနေဖြင့် တိုင်ကြားနိုင်ပြီး ဥပဒေနှင့်အညီ ထိရောက်စွာ အရေးယူမည်ဖြစ်ကြောင်း ဒီဂျစ်တယ်ဖွံ့ဖြိုးတိုးတက်ရေးနှင့် ဆက်သွယ်ရေးဝန်ကြီးဌာန ဒုတိယဝန်ကြီး ဦးသက်ဝင်းအောင်က ပြောကြားခဲ့သည်။အင်တာနက်လိုင်း ပြတ်တောက်ပါက ရှေးဦးစွာ သက်ဆိုင်ရာ ကုမ္ပဏီသို့ အကြောင်းကြားရန် လိုအပ်ပြီး၊ ဝန်ဆောင်မှု မပေးဘဲ ပျက်ကွက်ပါက ဆက်သွယ်ရေးညွှန်ကြားမှုဦးစီးဌာန (PTD) အီးမေးလ် complaint@ptd.gov.mm သို့သော်လည်းကောင်း၊ စားသုံးသူရေးရာဦးစီးဌာန Consumer Call Center ဖုန်းနံပါတ် ၁၅၃၅ သို့သော်လည်းကောင်း တိုင်ကြားနိုင်သည်။ စားသုံးသူရေးရာ ဦးစီးဌာနသို့ ၂၀၁၇ ခုနှစ်မှ ၂၀၂၆ ခုနှစ် ဇူလိုင် ၂၀ ရက်အထိ ဆက်သွယ်ရေး ဝန်ဆောင်မှုဆိုင်ရာ တိုင်ကြားစာ ၂,၂၀၀ ခု လက်ခံရရှိခဲ့ရာမှ ၂,၁၉၂ မှုကို ဖြေရှင်းပေးခဲ့ပြီး ကျန် ၈ မှုကို ဆက်လက် ဆောင်ရွက်နေကြောင်း သိရသည်။