တရုတ်နိုင်ငံ၌ ၂၀၂၆ ခုနှစ် ပထမနှစ်ဝက်အတွင်း ရာဇဝတ်မှုများ ၁၆.၅ ရာခိုင်နှုန်းနှင့် အများပြည်သူ လုံခြုံရေး ချိုးဖောက်မှုများ ၁၁.၃ ရာခိုင်နှုန်း ကျဆင်းသွားကြောင်း ပြည်သူ့လုံခြုံရေး ဝန်ကြီးဌာနက ဇူလိုင် ၂၄ ရက်တွင် ထုတ်ပြန်ခဲ့သည်။
ခိုးမှု၊ လုယက်မှုနှင့် လိမ်လည်မှုစသည့် ရာဇဝတ်မှုများမှာ အမှုပေါင်း ၃၀၇,၀၀၀ သာ ရှိတော့သဖြင့် ယခင်နှစ်ကထက် ၃၈.၉ ရာခိုင်နှုန်းအထိ သိသိသာသာ ကျဆင်းသွားခဲ့ပြီး လူသတ်မှု အရေအတွက်မှာလည်း စံချိန်တင် အနိမ့်ဆုံးအဆင့်သို့ ရောက်ရှိခဲ့သည်။ ထို့ပြင် ရဲတပ်ဖွဲ့က ဂိုဏ်းဖွဲ့ရာဇဝတ်မှု ၁,၇၄၄ မှုကို စုံစမ်းစစ်ဆေးခဲ့ကာ ဂိုဏ်းဖွဲ့ရာဇဝတ်မှု တိုက်ဖျက်ရေးအပေါ် အများပြည်သူ ကျေနပ်မှုမှာလည်း သုံးနှစ်ဆက်တိုက် မြင့်တက်လာခဲ့သည်။အွန်လိုင်းနှင့် ဆက်သွယ်ရေး လိမ်လည်မှုများသည် ၂၀၂၅ ခုနှစ် အောက်တိုဘာလမှစ၍ ကိုးလဆက်တိုက် လျော့ကျလာခဲ့သလို ယာဉ်မတော်တဆမှုကြီးများမှာလည်း ယခင်နှစ်ထက် ၈.၈ ရာခိုင်နှုန်း ကျဆင်းခဲ့သဖြင့် နိုင်ငံ၏ အများပြည်သူ လုံခြုံရေး အခြေအနေမှာ တိုးတက်ကောင်းမွန်လာကြောင်း သိရသည်။
