ချမ်းမြေ့ဆရာတော်ဘုရားကြီး၏ သက်တော် (၉၉) နှစ်ထဲရောက် ရာပြည့်အကြို မွေးနေ့ပူဇော်ပွဲ ကျင်းပ

ပြည်တွင်း/ပြည်ပ သာသနာပြု ကျေးဇူးတော်ရှင် ချမ်းမြေ့ဆရာတော်ဘုရားကြီး အရှင်ဇနကာဘိဝံသ၏ သက်တော် ရာပြည့်အကြို ပူဇော်ပွဲနှင့် သံဃာတော် ပါး (၂၀၀) အား ဆွမ်းဆန်စိမ်း လောင်းလှူပွဲ အခမ်းအနားကို ဇူလိုင် ၂၆ ရက်တွင် ကျင်းပခဲ့သည်။ အဆိုပါ အခမ်းအနား၌ ပင့်ဖိတ်ထားသော သံဃာတော်များအား ဆွမ်း၊ နဝကမ္မ အလှူတော်ငွေနှင့် လှူဒါန်းဖွယ် ဝတ္ထုပစ္စည်းများကို လှူဒါန်းခဲ့ကြပြီး ပြည်ပ ၄ နိုင်ငံမှ တပည့်ဒါယိကာ၊ ဒါယိကာမ ၁၂ ဖွဲ့ကလည်း လာရောက် ပူဇော်ခဲ့ကြကြောင်း သိရသည်။