ဆော်ဒီအာရေးဗီးယားနိုင်ငံ ရေနံချက်စက်ရုံများကို ပစ်မှတ်ထား၍ ယီမင်ဘက်မှ ပစ်လွှတ်လိုက်သည့် ပဲ့ထိန်းဒုံးကျည် နှစ်စင်းကို ဇူလိုင် ၂၅ ရက်တွင် ကြားဖြတ် ဟန့်တားနိုင်ခဲ့ကြောင်း Reuters သတင်းဖော်ပြချက်အရ သိရသည်။
ဆော်ဒီ အရပ်ဘက် ကာကွယ်ရေးဌာနမှ သတိပေးချက်များစွာ ထုတ်ပြန်ခဲ့ပြီးနောက် လက်ရှိတွင် အန္တရာယ်မှ ကျော်လွန်နိုင်ခဲ့ပြီဟု အသိပေးထားသည်။တစ်ဖက်တွင်လည်း အီရန် အစ္စလာမ္မစ် တော်လှန်ရေး အစောင့်တပ်ဖွဲ့ (IRGC) က အမေရိကန်၏ ကျူးလွန်မှုများကို လက်တုံ့ပြန်သည့်အနေဖြင့် ကူဝိတ်၊ ဘာရိန်းနှင့် ဂျော်ဒန်နိုင်ငံတို့ရှိ အမေရိကန် စစ်ဘက်ဆိုင်ရာ စခန်းများကို ထပ်မံ တိုက်ခိုက်ခဲ့ကြောင်း IRGC ၏ Sepah News က ဇူလိုင် ၂၅ ရက်တွင် ထုတ်ပြန်ထားသည်။
