အိန္ဒိယနိုင်ငံ အာသံပြည်နယ် ရေကြီးမှုကြောင့် လူ ၄၀ ကျော် သေဆုံး

အိန္ဒိယနိုင်ငံ အရှေ့မြောက်ပိုင်း အာသံပြည်နယ်တွင် မိုးသည်းထန်စွာ ရွာသွန်း၍ ရေကြီးမှုများ ဖြစ်ပွားခဲ့ရာ လူ ၄၁ ဦးထက်မနည်း သေဆုံးခဲ့ကြောင်း ပြည်နယ်ဝန်ကြီးချုပ် ဟိုင်မာတာ ဘစ္စဝါ ဆာမားက ဇူလိုင် ၂၃ ရက်တွင် အတည်ပြု ထုတ်ပြန်သည်။ ယခုနှစ်အတွင်း အာသံ၌ မိုးရွာသွန်းမှုမှာ ပျမ်းမျှ မိုးရေချိန်ထက် ၄ ဆခွဲခန့် ပိုမိုများပြားခဲ့သဖြင့် မကြုံစဖူး ရေလွှမ်းမိုးမှုများ ကြုံတွေ့နေရခြင်း ဖြစ်သည်။ လက်ရှိတွင် အိန္ဒိယ လေတပ်အပါအဝင် အဖွဲ့အစည်း အသီးသီးက ကယ်ဆယ်ရေး စခန်း ၁၅၀ ခန့် ဖွင့်လှစ်၍ လူပေါင်း ၃ သောင်းခန့်ကို ယာယီနေရာချထားပေးလျက်ရှိကြောင်း သိရသည်။