ကုန်ဈေးနှုန်း အလွန်အမင်း မြင့်မားလာမှုကြောင့် ရန်ကုန်မြို့ရှိ ကုမ္ပဏီဝန်ထမ်းများစွာမှာ လက်ဖက်ရည်ဆိုင် မထိုင်နိုင်ကြတော့ကြောင်း MPA က လစာ ၁၀ သိန်းမှ သိန်း ၂၀ ဝန်းကျင် ရရှိသည့် ဝန်ထမ်း ၁၁ ဦးကို မေးမြန်းချက်အရ သိရသည်။ လက်ရှိ ရန်ကုန်တွင် လက်ဖက်ရည်တစ်ခွက်လျှင် ကျပ် ၂,၀၀၀ မှ ၃,၅၀၀ အထိ ဈေးနှုန်း ရှိနေသဖြင့် ဝန်ထမ်းများအနေဖြင့် အိမ်မှ အထုပ်အပျော့များ ယူဆောင်သောက်သုံးခြင်း၊ လမ်းဘေးဆိုင်များတွင် သက်သာစွာ စားသောက်ခြင်းတို့ဖြင့် ခြိုးခြံချွေတာနေကြရသည်။ ထို့ပြင် မိတ်ဆွေချင်း ဆုံတွေ့ရန် လက်ဖက်ရည်ဆိုင် ချိန်းဆိုသည့် အလေ့အထပင် ပျောက်ကွယ်လာပြီး ကုန်ဈေးနှုန်းနှင့်အတူ အလုပ်အကိုင် မတည်ငြိမ်မှုများကိုပါ ဝန်ထမ်းများ စိုးရိမ်ပူပန်နေကြရကြောင်း သိရသည်
