လူကုန်ကူးသူများ၏ လှည့်ဖြားစည်းရုံးသည့် နည်းလမ်းများ၊ အွန်လိုင်းလိမ်လည်မှုလုပ်ငန်းများအကြောင်း ရန်ကုန်၌ရှင်းလင်းဆွေးနွေးမည်

ကမ္ဘာ့လူကုန်ကူးမှုတိုက်ဖျက်ရေးနေ့ အထိမ်းအမှတ်အဖြစ် ရန်ကုန်မြို့ရှိ အမေရိကန်သံရုံးနှင့် IOM Myanmar တို့ ပူးပေါင်း၍ “Lives Behind Scam” ကမ်ပိန်းဆွေးနွေးပွဲကို ဇူလိုင် ၃၀ ရက် နံနက် ၁၀ နာရီမှ ၁၂ နာရီအထိ အမေရိကန်စင်တာ (ရန်ကုန်) ၌ ကျင်းပမည်ဖြစ်ကြောင်း သိရသည်။ အဆိုပါ ဆွေးနွေးပွဲတွင် လူကုန်ကူးသူများ၏ လှည့်ဖြားစည်းရုံးပုံများ၊ အွန်လိုင်းလိမ်လည်မှု လုပ်ငန်းများအကြောင်း၊ အတင်းအကျပ် ပြစ်မှုကျူးလွန်ရန် ခိုင်းစေခံရသူများအား အကာအကွယ်ပေးရေးနှင့် ဒေသတွင်း ပူးပေါင်းဆောင်ရွက်မှုများကို သံတမန်များနှင့် နည်းပညာဆိုင်ရာ ကျွမ်းကျင်သူများက ရှင်းလင်းဆွေးနွေးမည်ဖြစ်သည်။ အဆိုပါပွဲသို့ လူကိုယ်တိုင် (ကြိုတင်စာရင်းပေးသွင်း၍) သော်လည်းကောင်း၊ အွန်လိုင်းမှသော်လည်းကောင်း တက်ရောက်နားထောင်နိုင်ကြောင်း အသိပေးထားသည်။