လူငယ်ဘောလုံးသမားသစ်များ ရှာဖွေရေးနှင့် နည်းပြစွမ်းရည် မြှင့်တင်ရေးအတွက် FIFA/MFF RTC နည်းပြသင်တန်း ဖွင့်လှစ်

မြန်မာနိုင်ငံတစ်ဝန်း လူငယ်ဘောလုံးသမားသစ်များကို စနစ်တကျ ရှာဖွေဖော်ထုတ်ရန်နှင့် ဒေသအလိုက် နည်းပြများ၏ စွမ်းရည်မြှင့်တင်ရန် ရည်ရွယ်သည့် FIFA/MFF Regional Football Training Center (RTC) Technical Director and Coaches Workshop 2026-2027 (Phase-2) သင်တန်းကို ဇူလိုင် ၂၁ ရက်က ရန်ကုန်မြို့ရှိ မြန်မာနိုင်ငံဘောလုံးအဖွဲ့ချုပ် (MFF) ၌ ဖွင့်လှစ်ခဲ့သည်။ အဆိုပါ သင်တန်းကို FIFA နှင့် MFF တို့ ပူးပေါင်းကျင်းပခြင်းဖြစ်ပြီး MFF အထွေထွေအတွင်းရေးမှူး ဦးထွန်းထွန်းအောင်၊ နည်းစနစ်ဒါရိုက်တာ Mr. Michiteru Mita တို့နှင့်အတူ တိုင်းဒေသကြီး/ပြည်နယ်အသီးသီးမှ RTC နည်းပြများ တက်ရောက်ခဲ့ကြကြောင်း သိရသည်။