၂၀၂၇ ဆီးဂိမ်းအတွက် လက်ရွေးစင် မြင်းစီးအားကစားသမားများ ရွေးချယ်နိုင်ရန် နေပြည်တော်၌ အရည်အချင်းစစ်ပြိုင်ပွဲ ကျင်းပမည်

မလေးရှားနိုင်ငံတွင် ကျင်းပမည့် (၃၄) ကြိမ်မြောက် အရှေ့တောင်အာရှ အားကစားပြိုင်ပွဲ (၂၀၂၇ ဆီးဂိမ်း) အတွက် နိုင်ငံကိုယ်စားပြု လက်ရွေးစင် မြင်းစီးအားကစားသမားများ ရွေးချယ်ရန် ရည်ရွယ်၍ FEI 1 Endurance Qualification (40 km) အရည်အချင်းစစ်ပြိုင်ပွဲကို ၂၀၂၆ ခုနှစ် စက်တင်ဘာ ၆ ရက် နံနက် ၆ နာရီတွင် နေပြည်တော်၊ ဥတ္တရသီရိမြို့နယ်ရှိ နေပြည်တော်မြင်းစီးအားကစားကွင်း၌ ကျင်းပသွားမည်ဖြစ်ကြောင်း မြန်မာနိုင်ငံ မြင်းစီးအားကစားအဖွဲ့ချုပ်က ထုတ်ပြန်ခဲ့သည်။ ပြိုင်ပွဲဝင်လိုသူများသည် လျှောက်လွှာများကို ဩဂုတ် ၂၄ ရက် နောက်ဆုံးထား ပေးပို့ရမည်ဖြစ်ပြီး ပြိုင်ပွဲဝင် မြင်းများသည် အသက် ၄ နှစ်နှင့်အထက် (Resting Heart Beat ၄၀ အောက်)၊ အားကစားသမားများမှာ အသက် ၁၄ နှစ်နှင့်အထက် ဖြစ်ရမည်ဖြစ်ကာ လူနှင့် မြင်း (ကုန်းနှီးအပါအဝင်) စုစုပေါင်း အလေးချိန် အနည်းဆုံး ၇၀ ကီလိုဂရမ် ရှိရမည်ဖြစ်ကြောင်း သိရသည်။