ဧရာဝတီတိုင်းရှိပုသိမ်-ရန်ကုန်လမ်းပိုင်း မိုးသည်းထန်စွာရွာသွန်းမှုကြောင့် ပျက်စီးမှုများဖြစ်ပေါ်နေ

မိုးသည်းထန်စွာ ရွာသွန်းမှုများကြောင့် ပုသိမ်-ရန်ကုန် လမ်းမကြီးပေါ်ရှိ အချို့နေရာများတွင် လမ်းပိုင်းပျက်စီးမှုများ ဖြစ်ပေါ်လျက်ရှိကြောင်း သိရသည်။ လမ်းအသုံးပြုသူများ ဘေးအန္တရာယ်ကင်းရှင်းပြီး လမ်းပန်းဆက်သွယ်ရေး မပြတ်တောက်စေရန်အတွက် ဧရာဝတီတိုင်းဒေသကြီး အစိုးရ၏ သက်ဆိုင်ရာ တာဝန်ရှိသူများက "ချက်ချင်းပျက်၊ ချက်ချင်းပြင်" စနစ်ဖြင့် အချိန်နှင့်တပြေးညီ ပြုပြင်ထိန်းသိမ်းမှုများ ပြုလုပ်လျက်ရှိသည်။ သို့ဖြစ်ပါ၍ လမ်းပြုပြင်ရေး လုပ်ငန်းခွင်နေရာများတွင် မော်တော်ယာဉ်မောင်းနှင်သူများအနေဖြင့် ယာဉ်အရှိန်လျှော့၍ ဂရုတစိုက် မောင်းနှင်ပေးကြပါရန် တိုင်းဒေသကြီးအစိုးရမှ အသိပေး နှိုးဆော်ထားသည်။